Aȳ gui nhanderekoa rupi opy’i jareko va’e ma ȳmã guare rami ve’ȳ. Ymã ma je oipuru raka’e oo jokuaa rã guembepi. Ikora rã ma yvy omona va’ekue, e’ȳ vy yvyra gui ae ombokora. Opy’i hexakã aguã ma iraity gui, ei retãgue guigua.

Aȳ ma jaipuru karavo, haxa, karavo mbotaa ha’e kyxe guaxu. Ijao’ia voi aȳ jurua kuery mba’e gui guare meme ma. Ha’e rami vy nhaneramoĩ kuery ikuaiague rami ae nhandekuai opy’re. Oĩ nhemongueta, nhemonguera, kyrĩgue ha’e tujakue oporai aguã guive.

Mava'e re ete pa ijayvu texto: